Gulnora Karimovaning oila a’zolari uning koloniyadagi ahvoli bo‘yicha shikoyat va e’tirozlar bildirmadi

Gulnora Karimovaning oila a’zolari uning koloniyadagi ahvoli bo‘yicha shikoyat va e’tirozlar bildirmadi

Oldinroq Adliya vazirligi tomonidan Internet tarmog‘ida mahkuma Gulnora Karimovaga tegishli tibbiy yordam ko‘rsatilmayotgani hamda u doimo ruhiy bosim ostida ekanligi to‘g‘risidagi ma’lumotlar bo‘yicha o‘rganish o‘tkazilgani to‘g‘risida xabar berilgan edi.
Jinoyat-ijroiya kodeksining 76-moddasiga muvofiq mahkumlarning uzoq muddatli uchrashuv huquqi ta’minlanishini o‘rganish maqsadida monitoring o‘tkazildi. Monitoring davomida, mahkuma G. Karimova o‘zining uzoq muddatli uchrashuv huquqidan foydalangan holda 2019 yilning 7 iyul kunidan 10 iyul kuniga qadar, o‘z oila a’zolari bilan uch kunlik – uzoq muddatli uchrashuvda bo‘ldi.
O‘rganish davomida (joriy yilning 3 iyul kuni) Gulnora Karimova oila a’zolarining u bilan uzoq muddatli uchrashuv so‘rab yozgan murojaati kelib tushganlik fakti aniqlangan edi.
Ularga uzoq muddatli uchrashuv huquqidan foydalanayotgan boshqa mahkumalar kabi, alohida uzoq muddatli uchrashuvlarga mo‘ljallangan yashash joyi ajratildi.
Ushbu uchrashuvni bo‘lish, shuningdek, oila a’zolari tomonidan olib kelingan posilka va banderollarni kiritishni cheklash holatlari bo‘lmadi.
Suhbat davomida, Gulnora Karimovaning oila a’zolari ushbu davrda boshqa mahkumalar ham o‘zining uzoq muddatli uchrashuv huquqidan foydalangan holda yaqinlari bilan birga bo‘lganligini ta’kidlashdi, bu boshqa mahkumalarning uchrashish huquqlari ta’minlanayotganligini bildiradi.
Shu bilan birga, uchrashuv davomida, Gulnora Karimovaning oila a’zolari Gulnora Karimovaga tegishli tibbiy yordam ko‘rsatilmayotganligi va unga bosim o‘tkazilayotganligi bo‘yicha shikoyat va e’tiroz bildirishmadi.
Adliya vazirligining 
Jamoatchilik bilan aloqalar bo‘limi

 

O‘zA

  11.07.2019, 09:53  |    30 marta ko'rildi

Raxmat

Sayt administratsiyasi xato matn haqida ogohlantirildi!