X Ijtimoiy media-mahsulotlar milliy festivali Oʻzbekiston madaniy-tarixiy merosi, mamlakatimiz sayyohlik salohiyatini oshirishga qaratilgan eng yaxshi roliklar uchun tanlov eʼlon qiladi.
Tadbirni oʻtkazishdan asosiy maqsad – Oʻzbekiston madaniy-tarixiy merosi, mamlakatimiz sayyohlik salohiyatini oshirish orqali ommaviy axborot vositalari ijodkorlari hamda ijodkorlarni ragʻbatlantirishdan iborat.
Tanlov 3 ta nominatsiya boʻyicha oʻtkaziladi:
• “Madaniy-tarixiy Oʻzbekiston” /“Kulturno-istoricheskiy Uzbekistan”/ Mustsee
• “Oʻzbekiston – turistik maskani” /“Turisticheskiy Uzbekistan”/ Welcome to Uzbekistan/
• “Gastronomik Oʻzbekiston”/ “Gastronomicheskiy Uzbekistan”/ Tasteme
Eng yaxshi asarlarni aniqlash uchun festivalning Ekspert guruhi tashkil etildi. Tanlov natijalariga koʻra, ekspert guruhi tomonidan har 3 ta nominatsiya boʻyicha 3 tadan, jami 9 ta videorolik tanlab olinadi.
Joriy yilning 10 dekabr kuni festival ishtirokchilari hamda mehmonlari ishtirokida hakamlar hayʼati tomonidan jonli ovoz berish orqali gʻoliblar aniqlanadi. Tanlovning har 3 ta nominatsiyasi boʻyicha 1-oʻrinni qoʻlga kiritgan 3 nafar final ishtirokchisi festival gran-prisi sanalmish bosh sovrin – “Spark” avtomobili uchun nomzod etib belgilanadi. Hamkamlar tomonidan jonli ovoz berish orqali gʻolib deb topilgan ishtirokchiga bosh sovrin beriladi.
Eng yaxshi roliklar mualliflari X Ijtimoiy media-mahsulotlar milliy festivalining qimmatbaho sovgʻalari va esdalik diplomlari bilan taqdirlanishadi.
Tanlovga faqatgina mualliflik hisoblangan, davomiyligi 2 daqiqagacha boʻlgan, oʻzbek va rus tillaridagi roliklar qabul qilinadi.
Tanlovda qatnashish istagini bildirganlar oʻz ishlarini X.fest.products@gmail.com pochta manziliga bogʻlanish shaklida yoki ixcham shaklda yuborishlari soʻraladi.
Ijodiy ishlar shu yilning 7-dekabriga qadar qabul qilinadi.
Festival Oʻzbekiston elektron ommaviy axborot vositalari milliy assotsiatsiyasi, Oliy Majlis huzuridagi nodavlat-notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasi, Oʻzbekiston Respublikasi Turizmni rivojlantirish davlat qoʻmitasi, Oʻzbekiston Yoshlar Ittifoqi markaziy kengashi hamda YUNЕSKO tomonidan tashkil etilmoqda.