Qoraqalpog‘iston Respublikasi Chimboy tumanida 20 gektarga teng maydonda Ibroyim Yusupov nomidagi hamda “Raduga” nomli madaniyat va istirohat bog‘lari ish boshladi.

Istirohat bog‘lari mahalliy tadbirkorlar tomonidan imtiyozli kreditlar hisobidan barpo etildi.

– “Milliy bank”dan olingan 3 milliard so‘m kredit hisobiga Xitoy davlatidan zamonaviy attraksionlar olib kelib o‘rnatildi, – deydi “Shimbay goldenpark” mas’uliyati cheklangan jamiyati rahbari, tadbirkorBaxыt Yusupova. – Suyukli shoirimiz ruhi shod bo‘lsin deb, bog‘ga O‘zbekiston Qahramoni Ibroyim Yusupov nomi berildi.

Bog‘da 3 mingta archa, eman, ming dona har xil gul ko‘chatlari o‘tqazildi.20 kishi ish bilan ta’minlandi.

Tumanda faoliyatini boshlagan “Raduga” nomli madaniyat va istirohat bog‘i ham bolajonlarning sevimli maskaniga aylandi.