Professional bokschilarimizning g‘alabali odimlari

Poytaxtimizdagi “O‘zbekiston” sport majmuasida professional boks kechasi o‘tkazildi.

Musobaqada bokschilarimiz bilan birga Rossiya, Tanzaniya, Indoneziya, Gruziyadan kelgan charm qo‘lqop ustalari o‘zaro raqobatlashdi.

O‘zbekiston professional boks federatsiyasi tomonidan tashkil etilgan boks kechasining markaziy jangi hamyurtimiz Azizbek Abdug‘ofurov va rossiyalik Vladimir Chudinov o‘rtasida o‘tdi.

Ular 12 raund davomida “WBC Silver” kamari uchun o‘zaro bellashdi. Keskin va murosasiz o‘tgan bahsda Azizbek ochkolar hisobida g‘olib bo‘ldi. Shu tariqa tajribali bokschimiz professional ringdagi o‘n birinchi g‘alabasiga erishdi.

Shuningdek, musobaqada bokschilarimizdan Ulug‘bek Sobirov gruziyalik Georgi Jinxaradzeni, Jamshid Najmiddinov gruziyalik Kaxa Avetisyanni, Bekzod Tursunboyev indoneziyalik Roy Muxlisni, Umid Rustamov gruziyalik David Ribakonini, Olim Nazarov gruziyalik Xvicha Gigolashvilini, Jasur Ahmadjonov indoneziyalik Stevi Ongen Ferdinandusni, Qudratillo Abduqahhorov tanzaniyalik Tvaxa Kidukuni mag‘lubiyatga uchratdi.

6.jpg
7 (1).jpg
13.jpg
14 (1).jpg
15.jpg
23.jpg

 

Javohir Toshxo‘jayev, Muhammad Amin (surat), O‘zA