Ertaklar mamlakati – Turkiyaga sayohat

Turkiya qadimiy tarixi va an’analari bilan sayyohlarni o‘ziga rom qiladigan mamlakatlardan. Bu mamlakatda sayyohlarning dam olishlari uchun yuksak darajada xizmat turlari yaratilgan.
24.jpg
Yevropa Janubiy-Sharqi va Osiyo g‘arbida joylashgan Turkiya sayyohlarni nima uchun o‘ziga jalb qiladi?
Bu savolga “bu mamlakatning dengizi toza, dengizlarida akula va meduzalar yo‘q” deb javob berish kerak.
 
03.jpg
Mamlakat 7ta ma’muriy hududdan – Marmara (Marmara), Egey mintaqasi (Ege), O‘rta Yer dengizi mintaqasi (Akdeniz), Janubiy-Sharqiy mintaqa (Guney Dogu), Sharqiy (Dogu), Qora dengiz (Karadeniz), Markaziy Anatoliya (Ic Anadolu)dan tashkil topgan.
Poytaxti Anqara. Yirik shaharlari – Istanbul, Anqara, Izmir, Bursa, Adana, Trabzon.
 
04.jpg
Turkiya – tog‘lar mamlakatidir. Bu mamlakat ko‘l va daryolarga ham boy.
 
05.jpg
Tabiati xilma-xil va noyobdir. Mamlakatda o‘simliklarning 6 mingdan ortiq turi bor. Hayvonot dunyosi haqida ham iliq fikrlarni bildirish mumkin.
06.jpg
Avtomobillarni ijaraga olish mumkin. Buning uchun pasport yoki uning nusxasini va haydovchilik guvohnomasini topshirish kerak bo‘ladi. Avtomobillar 21 yoshdan oshgan kattalarga beriladi. Avtomobillarni haydovchisi bilan ijaraga olishingiz ham mumkin.
Ijara punktlari har bir mehmonxona va aholi punktlarida bor.
 
07.jpg
Turkiyada tibbiy xizmat ko‘rsatish pulli. Barcha masalalar bo‘yicha sug‘urta kompaniyasiga murojaat qilishingiz kerak bo‘ladi.
08.jpg
Krandagi suvdan ichish tavsiya qilinmaydi. Yaxshisi plastik shishalardagi suvni xarid qilganingiz ma’qul.
 
21.jpg
Turklar avtobus va marshrut taksilarda yurishni sevishadi. Kuning har qanday vaqtida o‘zingiz xohlagan yo‘nalish bo‘yicha avtobusga o‘tirishingiz mumkin. Taksilar ikkiga – kunduzgi va tungi taksilarga bo‘linadi. Tungi taksilar haqi ikki barobar qimmat. Yo‘lkira borasida taksichi bilan albatta avvaldan kelishib olishingiz kerak bo‘ladi.
Bekat “B” xarfi bilan ajralib turadi. 
 
09.jpg
Do‘konlarning aniq ish vaqti belgilanmagan. Yoz kunlari tun yarmiga qadar ishlaydi. Bozorda, albatta, savdolashishingiz kerak. O‘zbeklar kabi turklarning bu an’anasi tufayli pulingizni tejash imkoniyati paydo bo‘ladi.
10.jpg
Hamma joyda suratga tushish mumkin. Faqat xavfsizlik hududi bundan mustasno. Muzeylarda suratga tushish uchun alohida haq to‘lashingiz kerak.
11.jpg
Turkiyada bar, restoran, mehmonxonalarda xizmat ko‘rsatuvchilarga, albatta, choychaqa berishingiz kerak bo‘ladi. Buning uchun aniq raqam aytilmaydi. O‘zingizning cho‘ntagingizga qarab berasiz choychaqani.
12.jpg
Turkiyaga borgan sayyohlar ko‘zning rasmi tushirilgan suvenerlarni xarid qilishlari kerak. “Nazar” deb nomlanuvchi bu tumor ko‘z tegishdan saqlaydi, degan qarashlar mavjud.
13.jpg
Turkiya xalqi shirinliklarni sevishadi. Suhbatlar asosan shirinlik va qahva ichish bilan boshlanadi. “Shirinlik yeb-shirin suhbat qurdik” deyishadi turklar. Turkiyada har kuni kunbo‘yi choy ichishadi.
14.jpg
Turklar bilan suhbatga vaqtni hisoblab borish kerak emas, chunki suhbat ancha cho‘zilib ketishi va belgilangan vaqtdan o‘tib ketishi ham mumkin.
Turklar xafa bo‘lmasin desangiz, u holda Istanbulni aslo Konstantinopol deya ko‘rmang.
20.jpg
Turk taomlari xorijiy sayyohlarni o‘ziga rom qilishi shubhasiz. Ular mol va qo‘y go‘shtidan tayyorlangan – “doner” va “kabob”lari bilan faxrlanishadi.
16.jpg
Turkiya kurortlarida banklar dam olishsiz, aeroportlarda esa kecha-yu kunduz ishlaydi.
22.jpg
Turkiyadagi arxeologik yodgorliklar dam olishsiz har kuni 8:00 dan 18:00ga qadar tanafussiz ishlaydi.
18.jpg
Muzeylari esa dushanba kuni dam oladi. Qolgan kunlari 8:30 dan 17:30 gacha faoliyat yuritadi (tanaffus 12:00 dan 13:00ga qadar).
19.jpg
Turkiyaga borganlar “Sharq darvozasi”, deb atalmish Istanbulni ko‘rishlari kerak. Bu shahardagi tarixiy obidalar, qadimiy bozor, taomlari, saroy va muzeylari yodingizda umrbod qolishi, shubhasiz.
23.jpg
Umuman Turkiya – ertaklar mamlakati.
 
01.png
Sharofiddin To‘laganov