Усы жыл 16-22-ноябрь күнлери Түркияның Мерсин қаласында «MERSİN METROPOLITAN MUNICIPALITY 4th INTERNATIONAL CHESS TOURNAMENT»турнири болып өтти.
Онда Өзбекстаннан Нодирбек Абдусаттаров, Нодирбек Якуббаев, Алихан Гусейнов, Ҳалим Тураев ҳәм қызлардан Севара Баймуратовалар қатнасты.
Өзбекстан шахмат Федерациясының бизге берген мағлыўматларына қарағанда, дүньяның 15 мәмлекетинен 81 шахматшы қатнасқан бул жарыста, 13 гроссмейстер ҳәм 15 халықаралық спорт шеберлери ойын көрсетти. Турнир Швейцарша системада, 9 турдан ибарат болды ҳәм ҳәр бир партия соңында 90 минут берилди.
Усы турнирде халықаралық дәрежедеги гроссмейстер Нодирбек Абдусаттаров 7 очко топлап, турнир чемпионына айланды. Ал, Севара Баймуратова болса, 5,5 очко менен қызлар арасында чемпион болды.
Қарақалпақстан хабар агентлиги.