2017-жылдан баслап дем алыс күнлерин тәртипке салыў дәстүри басланған еди. Нәтийжеде өткен 2 жылда (2018, 2019) ҳәптесине 5 күн жумыс ислейтуғын хызметкерлер жаңа жыл байрамында избе-из 5 күн дем алған еди.
Усы жылғы тәртип бойынша, алдынғыдай избе-из 5 күнлик дем алыс болмайды, тек ғана 3 күн избе-из болады. Бул ҳаққында xushnudbek.uz сайты мәлим етти.
Ҳәптесине 5 күн жумыс ислейтуғын хызметкерлерге төмендеги күнлер дем алыс күни есапланады:
- 31-декабрь – сийшемби (көширилген дем алыс күни);
- 1-январь – сәршемби (Жаңа жыл байрамы);
- 2-январь – пийшемби (көширилген дем алыс күни);
Түсиник: 28-декабрь (шемби) ҳәм 4-январь (шемби) күнлери ҳәптесине 5 күн жумыс ислейтуғынлар ушын рәсмий жумыс күни болады.
Ҳәптесине 6 күн жумыс ислейтуғын хызметкерлерге төмендеги күнлер дем алыс күни есапланады:
- 1-январь – сәршемби (Жаңа жыл байрамы);
- 2-январь – пийшемби (қосымша дем алыс күни).
Түсиник: 30 ҳәм 31-декабрь күнлери ҳәптесине 6 күн жумыс ислейтуғынлар ушын рәсмий жумыс күни болады.
Жоқарыдағы сүўретте жаңа жыл байрамы алдынан жумыс ҳәм дем алыс күнлери ҳаққында толық мағлыўмат алыўыңыз мүмкин.
Қарақалпақстан хабар агентлиги