Өзбекстан Республикасы Президенти Шавкат Мирзиёев 31-октябрь күни мәмлекетимизде әмелий сапар менен болып турған Россия Федерациясы Қәўипсизлик кеңеси хаткери Николай Патрушевти қабыллады.
Президентимиз мийманды қызғын қутлықлап, еки мәмлекет басшыларының турақлы ҳәм нәтийжели сөйлесиўи себепли соңғы жылларда Өзбекстан менен Россия арасындағы стратегиялық шериклик ҳәм аўқамласлық қатнасықлары жедел раўажланып атырғанын үлкен қанаатланыўшылық пенен атап өтти.
Николай Патрушев, өз гезегинде, Өзбекстан Республикасы Президенти Шавкат Мирзиёевқа қызғын қабыллағаны ушын шын жүректен миннетдаршылық билдирип, Россия Федерациясы Президенти Владимир Путинниң сәлемин ҳәм жақсы тилеклерин жеткерди.
Ушырасыўда мәмлекетлеримиз арасындағы көп қырлы бирге ислесиўге байланыслы, сондай-ақ, халықаралық ҳәм регионаллық сиясаттың әҳмийетли мәселелери, соның ишинде, Аўғанстандағы жағдайды тыныш жол менен шешиў перспективалары додаланды.
Қәўипсизликке қәўип туўдырып атырған заманагөй қәўип-қәтерлерге қарсы гүресиў бойынша бирге ислесиў, әскерий ҳәм әскерий-техникалық тараўларда әмелий шерикликти кеңейтиў мәселелерине айрықша итибар қаратылды.
ӨзА