Сенаттың жигирма үшинши жалпы мәжилисинде «Жоқары дәрежели «Дўстлик» орденин шөлкемлестириў ҳаққында»ғы Өзбекстан Республикасы нызамы додаланды.

Нызам Жоқары дәрежели «Дўстлик» орденин шөлкемлестириўди, Жоқары дәрежели «Дўстлик» ордени ҳаққындағы режени тастыйықлаўды, сондай-ақ, «Мәмлекетлик сыйлықлар ҳаққында»ғы Өзбекстан Республикасы Нызамына өзгерислер ҳәм қосымшалар киргизиўди нәзерде тутатуғын 5 статьядан ибарат.

Жоқары дәрежели «Дўстлик» ордени менен туўысқан халықлар арасында көп әсирлик дослық ҳәм қоңсышылық қатнасықларын беккемлеўдеги, жәмийет ҳәм халықлардың бирлигин үнлестириўдеги, ҳәр тәреплеме стратегиялық бирге ислесиўди раўажландырыўдағы айрықша хызметлери ушын сыйлықланды.

Жоқары дәрежели «Дўстлик» ордени көкиректиң оң тәрепине ямаса орден шынжырында тағып жүриледи.

Жоқары дәрежели «Дўстлик» ордени менен Өзбекстан Республикасының пуқаралары сыйлықланады. Сондай-ақ, бул орден менен Өзбекстан Республикасының пуқарасы болмаған шахслар да сыйлықланыўы мүмкин.

Жоқары дәрежели «Дўстлик» ордени менен Өзбекстан Республикасы Президенти сыйлықлайды.

Жоқары дәрежели «Дўстлик» ордени менен сыйлықлаў Нызамшылық палатасы Спикериниң, Сенат Баслығының ҳәм Бас министрдиң усынысы бойынша әмелге асырылады.

Жоқары дәрежели «Дўстлик» ордени менен сыйлықланған шахслар базалық есаплаў муғдарының 200 есеси муғдарындағы бир мәртелик ақшалай сыйлық ямаса естелик саўғаларын алады.

Сенаторлар нызамды мақуллады.

Н.Насриев, ӨзА