UZAUTO MOTORS компаниясы барлық ўатанласларымызды кирип киятырған Ғәрезсизлик ҳәм Қурбан ҳайыт байрамлары менен қутлықлап, арнаўлы акцияларды жәриялайды, делинеди компанияның билдириўинде.

Сондай-ақ, 2019-жылдың 9-августынан баслап сиз өзиңиз ушын 2 жылға шекем болған мүддетке ең қолайлы кредит шәртлеринде автомобиль сатып алыўыңыз мүмкин, делинген.

Акция шәртлерине бола, UzAuto Motors компаниясы Асака банк пенен биргеликте Lacetti 1 поз. ҳәм ГБО, Malibu менен Tracker автомобильлерин дәслепки 50 процент есесине жыллық 5 процент үстеме менен сатып алыўды усыныс етпекте.

Акцияның әмел етиў мүддети – 2019-жылдың 9-августынан 31-августына шекем.

Өз гезегинде Өзбекстан Республикасы Ғәрезсизлигиниң 28 жыллығы алдынан Uzauto Motors компаниясы InfinBANK пенен биргеликте пайдалы шәртлерде автокредитлеў бойынша және бир акция жолға қойылатуғыны ҳаққында мәлим еткен.

2019 –жылдың 12-августынан 1-сентябрьине шекем сиз InfinBANKтан автомобиль сатып алыў ушын кредит алыўыңыз мүмкин. Кредит 3 жыл мүддетке жыллық 16 проценттен баслап 25 процент дәслепки төлем есабынан усынылады.

Акцияда UZAUTO MOTORS компаниясының биринши позиция ҳәм газ баллон үскенели Lacetti, Malibu ҳәм Tracker автомобильлери қатнасады.

Кредитлер физикалық ҳәм юридикалық шахсларға ӨзР миллий валютасында тек ғана төмендеги шәртлерде жаңа автомобильлерди сатып алыў ушын бериледи: Malibu ҳәм Lacetti автомобильлери жыллық 18 процент, Tracker жыллық 16 процент үстеме.

Қосымша мағлыўматлар ушын банктиң 71 202 50 60 ҳәм UZAUTO MOTORS  компаниясының 78 141-77-77  cаll-орайларына мүрәжат етиң.

ӨзА