2019-жылдың 26-августынан баслап UzAuto Motors АЖ заводларында жыллық режели профилактика жумысларын әмелге асырыў басланады, деп хабар бермекте UzAuto Motors баспасөз хызмети.
Бизге белгили болыўынша, илажлар шеңберинде технологиялық тийкарғы ҳәм қосымша технологиялық үскенелерди модернизациялаў және коммунал хожалығы ҳәм инженерлик-коммуникация тармақларына техникалық хызмет көрсетиў, сондай-ақ, кәрханаларды гүзги-қысқы мәўсимлерге таярлаў жумыслары алып барылады.
UzAuto Motors қарыйдарларға таяр өнимди жеткерип бериў бойынша барлық шәртнама миннетлемелери өз ўақтында ҳәм толық орынланыўы тәмийинленетуғынлығын және режелестирилген профилактикалық жумыслар алдынан дүзилген транспорт қуралларын жеткерип бериў графигине тәсир етпейтуғынлығын мәлим етеди.
Мағлыўмат ушын, автомобиль ислеп шығарыў 2019-жылдың 23-сентябринен басланады.
Қарақалпақстан хабар агентлиги