Душанбе, 14-июнь. ӨзАның арнаўлы хабаршысы Матназар Элмуродов хабар береди.

Өзбекстан Республикасы Президенти Шавкат Мирзиёев Азияда бирге ислесиў ҳәм исеним илажлары бойынша кеңестиң бесинши саммитинде қатнасыў ушын Душанбе қаласына келди.

Мәмлекетимиз басшысын Тәжикстан Республикасының Бас министри Қоҳир Расулзода ҳәм Душанбе қаласының ҳәкими Рустам Эмомали кутип алды.

Өзбекстан Республикасы Президенти Шавкат Мирзиёев Душанбе қаласындағы Миллет сарайында Тәжикстан Республикасы Президенти Эмомали Раҳмон менен ушырасты.

Мәмлекет басшылары Өзбекстан менен Тәжикстан арасындағы дослық, жақсы қоңсышылық ҳәм көп қырлы бирге ислесиў қатнасықларының жедел раўажланып, барған сайын беккемленип атырғанын үлкен қанаатланыўшылық пенен атап өтти.

Үнлес сиясий ерк-ықрар ҳәм биргеликтеги ҳәрекетлер себепли стратегиялық шериклик принциплери әмелде жүзеге шығарылып атырғаны атап өтилди. Товар алмасыў көлеми артып, биргеликтеги кооперациялық жойбарлар ҳәм мәдений-гуманитарлық алмасыў бағдарламалары алға қойылмақта. Аймақлар дәрежесинде жедел сөйлесиў жолға қойылған.

Ушырасыўда мәмлекетлеримиз арасындағы кең көлемли бирге ислесиўди кеңейтиў перспективалары додаланды және регионлық ҳәм халықаралық әҳмийетке ийе мәселелер көрип шығылды.

Мәмлекетимиз басшысы Тәжикстан Президентине АБИИК саммити шеңбериндеги илажларды нәтийжели өткериўде табыслар тиледи.

ӨзА