«Перзентиңиз Президент мектебинде оқыўын қәлесеңиз, инглис тилин үйретиўди баслаң», – деп айтып өтти Өзбекстан Халық билимлендириў министри Ш.Шерматов ата-аналарға.
«Президент мектеплеринде қабыллаў ҳәм билимлендириў процеси Уллы Британияның Кембридж университети менен биргеликте алып барылыўын есапқа алып, инглис тилин үйрениўдиң әҳмийетли екенлигин еслетип өтпекшимен. Әлбетте, еле имтиханлардың қандай өтиўи ҳаққында мағлыўматлар қәнигелер тәрепинен ислеп шығылғаннан соң толық түрде жәрияланады. Инглис тилин үйрениўди болса ҳәзирден баслаў керек. Мектепте тийкарғы пәнлер сырт елли педагоглар тәрепинен инглис тилинде алып барылғаны ушын оқыў процесинде инглис тилин билиў оғада зәрүр», – деди министр.
Қарақалпақстан хабар агентлиги