Бүгин мәмлекетимиздиң Биринши Президенти Ислам Кәримов туўылғанының 81 жыллығы кеңнен белгиленбекте.
Президентимиз Шавкат Мирзиёев Ислам Кәримов атындағы илимий-ағартыўшылық естелик комплексине келип, уллы мәмлекетлик ҳәм сиясий ғайраткердиң естелигине гүл қойды. Оның жарқын естелигине ҳүрмет көрсетти.
Президентимиз Шавкат Мирзиёевтың басламасы менен Ислам Кәримовтың естелигин мәңгилестириў бойынша кең көлемли жумыслар әмелге асырылды. Елимиз басшысының 2017-жыл 27-ноябрьдеги «Өзбекстан Республикасының Биринши Президенти, уллы мәмлекетлик ҳәм сиясий ғайраткер Ислам Әбдиғаниевич Кәримовтың 80 жыллығын белгилеў ҳаққында»ғы ҳәм 2018-жыл 25-январьдағы «Өзбекстан Республикасының Биринши Президенти Ислам Әбдиғаниевич Кәримовтың естелигин мәңгилестириў ҳаққында»ғы қарарларының орынланыўы шеңберинде Самарқанд ҳәм Қаршы қалаларында Ислам Кәримовтың естеликлери бой тикледи, ол инсан узақ жыллар нәтийжели жумыс жүргизген Ақсарай резиденциясы естелик комплексине айландырылды, Ташкент халықаралық аэропорты, ири мәкеме ҳәм шөлкемлер, пайтахтымыздағы ҳәм ўәлаят орайларындағы орайлық көшелерге уллы Жолбасшымыздың аты берилди.
Гүл қойыў мәресиминде парламент ҳәм ҳүкимет ағзалары, илим ҳәм мәденият хызметкерлери, жаслар, кең жәмийетшилик қатнасты.
Алоуддин Ғаффоров,
ӨзА