Канал бойында жаңа туўылған нәрестениң өлген денеси табылды

Ферғана ўәлаятының Олтиариқ районында, Киши Ферғана каналы бойында жаңа туўылған нәрестениң өлген денеси табылды, деп хабар бермекте Daryo.uz.

Гүўалардың бириниң айтыўынша, таўарға оралған нәрестениң өлген денеси 2-январь күни каналдың Олтиариқтың Қапчиғай аўылындағы 41-мектеп аймағынан ағып өткен бөлиминен табылған.

«Бул – 10 күнлик нәресте. Айтыўларына қарағанда, оны буўып өлтирип, таслап кеткен. Ҳәзир аймағымызда ҳәмме аяққа турған», – дейди ўақыядан хабары бар адамлардың бири.

Хабар бериўинше, Ферғана ўәлаятлық ИИБ тәрепинен алып барылып атырған тергеў-сорастырыў ислери шеңберинде Олтиариқ ҳәм қоңсылас районлардағы туўыў бөлимлеринде ислейтуғын акушер ҳәм мийирбийкелер сораўға тутылмақта. Ҳәзирше бул жынаят себеплери бойынша толық мағлыўмат жоқ.

«Ҳәзирги ўақытта нәрестениң анасын ДНК-тести тийкарында анықлаў шаралары көрилмекте, тергеў жумыслары даўам етпекте», – деп айтып өткен Олтиариқ районлық ИИБ хызметкери.

 

Қарақалпақстан хабар агентлиги

  04.01.2019, 14:42  |    321 мәрте көрилди

Thanks!

Our editors are notified.