Әжинияз атындағы Нөкис мәмлекетлик педагогикалық институты шет тиллери факультетинде Қарақалпақстанда биринши мәрте япон тили үйретилмекте.
Институттың халықаралық байланыслар бөлими методисти С.Есемуратованың хабар бериўинше, Япония халықаралық бирге ислесиў шөлкеми – «JICA» волонтёры Фужики Юи шет тиллери факультетти студентлерине япон тилинен сабақ бермекте.
– Усы жылдың 15-октябрь күни институтымызда JICA халықаралық шөлкеминиң волонтёрлары менен ушырасыў болып өтти. Халықаралық шөлкемниң волонтёрлар координаторы Камидате Бунсеи ҳәм волонтёр Фужики Юилар менен өткерилген ушырасыўда еки тәреплеме бирге ислесиў бойынша келисимге келинген еди. Келисим тийкарында институтымызда япон тили үйретиле басланды, – дейди институттың халықаралық байланыслар бөлими методисти С.Есемуратова.
Еслетип өтемиз, быйылғы оқыў жылынан баслап Нөкис мәмлекетлик педагогикалық институтының шет тиллери және мектепке шекемги ҳәм баслаўыш тәлим факультетлеринде Корея халықаралық бирге ислесиў шөлкеми – KOICA волонтёры Ли Сангхян кореец тили бойынша сабақ өтип келмекте.
Ислам Матеков,
Қарақалпақстан хабар агентлигиниң шолыўшысы.