Өзбекстан Республикасы Президенти Шавкат Мирзиёев Франция Республикасы Президенти Эммануэль Макроның мирәт етиўи бойынша 8-октябрь күни рәсмий сапар менен Париж қаласына келди.
Париж, 8-октябрь.
ӨзА ның арнаўлы хабаршысы Абу Бәкир ОРАЗОВ хабар береди.
Еки мәмлекет байрақлары менен безелген «Орли» халықаралық аэропортында мәмлекетимиз басшысын Франция Республикасының рәсмий шахслары күтип алды.
Бүгин мәмлекетимиз басшысы БМШ тың Билимлендириў, илим ҳәм мәденият мәселелери бойынша шөлкеминиң Бас директоры Одри Азуле менен ушырасады. Онда Өзбекстан ҳәм ЮНЕСКО арасындағы шерикликти кеңейтиў перспективалары додаланады ҳәм 2018-2021-жылларға мөлшерленген бирликтеги Ҳәрекетлер режесиниң қабыл етилиўи күтилмекте.
Сондай-ақ, Өзбекстан Республикасы Президенти Шавкат Мирзиёевтиң Франция Республикасы Сенатының баслығы менен ҳәм Францияның жетекши компанияларының басшылары менен ушырасыўы нәзерде тутылған.
ӨзА