«Ўзбекистон ҳаво йўллари» МАК Ургенч аэропорты ўақытша жабылғаны мүнәсибети менен 17-июль күни Ташкент – Ургенч – Ташкент жөнелиси бойынша авиақатнаўларға өзгерислер киргизилгени ҳаққында хабар берди. Бул ҳаққында Gazeta.uz хабар бермекте.
17-июльдағы авиарейслер кестеси:
– HY051 рейси: Ургенч орнына Нөкиске 08:30 да ушады. Нөкиске қоныў – 10:15 те.
– HY052 рейси: Ургенч орнына Нөкистен 11:10 да ушады. Ташкентке қоныў – 12:45 те.
– HY057 рейси: Ургенч орнына Нөкиске 16:40 та ушады. Нөкиске қоныў – 18:45 те.
– HY058 рейси: Ургенч орнына Нөкистен 19:05 те ушады. Бухараға қоныў – 20:45 те.
Бухарадан ушыў – 21:05 те, Ташкентке қоныў – 22:10 да.
Жоқарыда көрсетилген Ташкент – Ургенч – Ташкент, Ургенч – Бухара ямаса Бухара – Ташкент жөнелислери бойынша ушатуғын жолаўшылар пәрўазға алдын рәсмийлестирилген авиабилетлер бойынша қосымша жыйымларсыз қабыл етиледи.
Ургенчте ушыўшылар ушын Нөкистен Ургенч аэропортына шекем автобус қатнаўы жолға қойылады.
Ургенчтен ушатуғын жолаўшыларға Нөкис аэропортына автобуста өз ўақтында жетип барыў ушын Ургенч аэропортына пәрўазға ең кеминде 4 саат қалғанда келиў соралмақта.
Қарақалпақстан хабар агентлиги