Футбол бойынша Россияда өтип атырған жәҳән чемпионатында Швеция ҳәм Англия сайланды командалары шерек финалдың соңғы қатнасыўшылары болды.
Швеция ҳәм Швейцария сайланды командаларының ушырасыўында жеңимпаз тийкарғы бөлимде анықланған болса, Англия ҳәм Колумбия сайланды командаларының ушырасыўында жеңимпаз финалтилер жәрдеминде анықланды. Ойында 4:3 есабында жеңиске ерискен англиялылар келеси басқышқа жоллама алды.
Солай етип, 6-июль күни Нижний Новгородта болып өтетуғын шерек финальдың дәслепки ушырасыўында Уругвай-Франция, Казан қаласында болса Бразилия-Бельгия сайланды командалары, 7-июль күни Сочи қаласында Россия-Хорватия, Самара қаласында Швеция-Англия командалары өз-ара ушырасады.
Ярым финаль ойынлары 10-июль күни Санкт-Петербург, 11-июль күни Москва қалаларында, үшинши орын ушын ойын 14-июль күни Санкт-Петербург қаласында, финал ойыны болса, 15-июль күни Москадағы Лужники стадионында болып өтеди.
Қарақалпақстан хабар агентлиги.