Өзбекстанның миллий домен аймағы .uz да дизимге алынған доменлердиң саны 60 мыңнан асламды қурамақта, деп жазады Kun.uz Cctld.uz сайтына тийкарланып.

Хабарда жазылыўынша, усы күнге шекем актив доменлер саны 60012 ге жеткен.

Жыл басынан берли бул бағдарда өсиў көрсеткиши 5,4 процентти қурады. 2018-жылдан берли жәми 13341 домен дизимге алынған болса, 5315 домен мүддети жуўмақланғаны себепли системадан өширилген.

Ең көп доменлер регистрациясы SUVAN NET дизимге алыўшысы тәрепинен әмелге асырылған.

 

Қарақалпақстан хабар агентлиги