Прокуратура органлары хызметкерлерине «Асака банк» арқалы кредитке автомобиль алыў мүмкиншилиги бериледи. Бул ҳаққында тийисли қарар жойбары таярланған, деп хабар бермекте Asr.uz өз исенимли дәрегине тийкарланып.

Ҳүжжетте көрсетип өтилгениндей, прокуратура органлары хызметкерлерине автомобильлер 10 жыллық мүддетке кредит тийкарында бериледи. Автомобиль баҳасының 25 проценти дәслепки төлем сыпатында төленеди. Кредиттиң жыллық проценти қайта қаржыландырыў ставкасы (ҳәзирги ўақытта 14%) менен бирдей көрсеткиште болады.

Бул шәртлер тийкарында кредитке машина алмақшы болған прокуратура органлары хызметкерлериниң дизими Бас прокуратура тәрепинен усыныс етиледи.

Бул бойынша тийисли қарар жақын күнлерде ҒХҚда жәрияланыўы күтилмекте.

 

Қарақалпақстан хабар агентлиги