Кегейли райондағы Нурлы бостан МПЖ аймағынан исбилермен Замира Уббиеваның басламасы менен 50 орынлық «Гөззал-Тумарис» мәмлекетлик-жеке меншик шериклик тийкарында мектепке шекемги билимлендириў мәкемеси өз жумысын баслады.
Балалар бақшасы ашылған күнниң өзинде бул жерге 25 бала қабыл етилди. Бул жерде балаларға рус ҳәм инглис тиллерин үйретиў, спорттың көркем гимнастика түри бойынша дөгереклер шөлкемлестириў белгиленген.
Бақшаның ашылыў салтанатына район ҳәкими М.Абдиров, район прокуроры Ш.Аберкулов, мектепке шекемги билимлендириў бөлиминиң баслығы Б.Туремуратова ҳәм районның бир қатар белсендилери қатнасты.
Районда бүгинги күнге шекем 16 мәмлекетлик мектепке шекемги билимлендириў мәкемеси болып, онда 1648 бала тәрбияланып атыр. Усы жылы белгиленген бағдарламаға муўапық район бойынша жәми 8 мәмлекетлик-жеке меншик шериклик тийкарында мектепке шекемги билимлендириў мәкемесиниң иске түсирилиўи режелестирилген.
Гаўҳар БЕГЖАНОВА
Журналистика қәнигелиги 2-басқыш студенти