2019-жылдың 1-январына шекемги мүддетке бажыхана төлемлерин төлеўден азат етилетуғын (бажыхана рәсмийлестириўи ушын төлемлер буған кирмейди) азық-аўқатлық өнимлер ҳәм шийки затлардың айрым түрлериниң дизими Әдиллик министрлигиниң «Ҳуқуқий ахборот» каналында жәрияланды.
Оларға төмендегилер киреди:
1. Тири ири қарамал;
2. Тири қой ҳәм ешкилер;
3. Ири қарамал гөши, бөлекленген ямаса суўытылған;
4. Бөлекленген, суўытылған (музлатылғанынан бөлек) қой ямаса ешки гөши;
4-1. Жаңа ҳәм суўытылған картошка;
5. Соя лобыясы, майдаланған ямаса майдаланбаған;
6. Айғабағар туқымы, майдаланған ямаса майдаланбаған;
7. Гүнжи туқымы;
8. Қант қамысы ямаса қант ләблебиси ҳәм химиялық таза сахароза, қатты жағдайда.
Қарақалпақстан хабар агентлиги