USD 10500.03
EUR 12607.39
RUB 140.7

Жума, 29 Март

Сайт тест режиминде ислеп тур. Қолайсызлықлар ушын кеширим сораймыз.

ӨЗБЕКСТАН РЕСПУБЛИКАСЫ ПРЕЗИДЕНТИНИҢ РОССИЯ ФЕДЕРАЦИЯСЫ ПРЕЗИДЕНТИ МЕНЕН ТЕЛЕФОН АРҚАЛЫ СӨЙЛЕСИЎИ ҲАҚҚЫНДА

Өзбекстан Республикасы Президенти Шавкат Мирзиёев 20-апрель күни Россия Федерациясы Президенти Владимир Путин менен телефон арқалы сөйлести.

Мәмлекетимиз басшысы Президент Владимир Путинге шын жүректен қутлықлағаны ҳәм күни кеше Бухара ўәлаятында Қандым газди қайта ислеў комплексиниң қурылысы жуўмақланғаны ҳәм иске түсирилгени мүнәсибети менен болып өткен салтанатлы илажда Россиядан абыройлы делегация қатнасқаны ушын терең миннетдаршылық билдирди.

«ЛУКОЙЛ» компаниясы менен биргеликте тәбийғый газди терең қайта ислеў бойынша иске түсирилген жоқары технологиялық өндирис комплекси еллеримиз арасында барған сайын беккемленип атырған стратегиялық шериклик ҳәм аўқамласлық қатнасықлардың және бир айқын көриниси екени айрықша атап өтилди.

Сөйлесиўде жоқары дәрежедеги ушырасыўлар ўақтында ерисилген келисимлер шеңберинде Өзбекстан – Россия көп қырлы байланысларын буннан былай да раўажландырыў ҳәм беккемлеў мәселелери бойынша пикир алысылды.

Сондай-ақ, регионаллық ҳәм халықаралық сиясаттың әҳмийетли мәселелери көрип шығылды.

Өзбекстан Президенти Россия Президентине мәмлекетлик сапар менен елимизге келиўге және бир мәрте мирәт етти. Мирәт етиў қанаатланыўшылық пенен қабыл етилди. Сапардың анық мүддети дипломатиялық каналлар арқалы келисип алынады.

Сөйлесиўдиң соңында Өзбекстан Республикасы Президенти Шавкат Мирзиёев ҳәм Россия Федерациясы Президенти Владимир Путин ҳәр қыйлы форматларда өз-ара байланысларды жедел даўам еттириўге таяр екенликлерин атап өтти.

ӨзА