Елимиздеги бир қатар өндирислик кәрханалары, хожалық бирлеспелери, компаниялар ҳәм банклер менен мәденият ҳәм көркем өнер шөлкемлери арасында жолға қойылған «Дослар клублары» жумысының унамлы нәтийже берип атырғанын инабатқа алған ҳалда:
Қарақалпақстан Республикасының көркем-әдебият, сын ҳәм жәмийетлик ой-пикир журналы «Әмиўдәрья» журналы менен «Өзқурылысматериаллары» АЖ арасында «Дослар клубы»н дүзиў, шәртнама тийкарында бирге ислесиў жолға қойылады.
Бул илажлар Өзбекстан Республикасы Президентиниң 2018-жыл 5-апрельдеги «Өзбекстан Жазыўшылар аўқамының жумысын буннан былай да жетилистириў илажлары ҳаққында»ғы қарары тийарында әмелге асырылыўы нәзерде тутылған.
Қарарда сондай-ақ, Өзбекстан Республикасы Министрлер Кабинетине, бир қатар министрликлер менен ведомстволарға Өзбекстан Жазыўшылар аўқамының аймақлық бөлимлериниң штат кестесин қата көрип шығыў, дөретиўшилерге төленетуғын қәлем ҳақы, китап өнимлериниң тарқалыўы, дөретиўши тулғаларды жеңилликли кредитлер тийкарында турақ жай ҳәм басқа да жеңилликлер менен тәмийинлеў бойынша илажлар ислеп шығыў тапсырмасы берилген.
Қарақалпақстан хабар агентлиги