«Шет ел ҳәм жергиликли ҒХҚларда жоқары ҳуқықый ақыл-ойды, инсан ҳуқықлары мәдениятын, жәмийетлик қадағалаўдың инновациялық түрин ҳәм механизмлерин кеңнен үгит-нәсиятлаў» темасында мәмлекетлик грантлар ажыратыў ушын
таңлаў
ЖӘРИЯЛАЙДЫ
Таңлаўға мәмлекетлик емес коммерциялық емес шөлкемлер, ғалаба хабар қураллары ҳәм пуқаралық жәмийетиниң басқа да институтларының төмендеги мақсетлерин нәзерде тутқан социаллық әҳмийетке ийе жойбар-буйыртпалары қабыл етиледи:
- Елимиз парламенти қабыл еткен жаңа нызамлардың, Президент пәрманларының, қарарларының тийкарғы мәселелерин кең халық қатламына жеткериўдиң нәтийжели инновациялық түрин ҳәм механизмлерин жаратыў.
- Нызамлардың инсанлар турмысына реал тәсир дәрежесин ҳәм халық пенен пикирлесиўдиң жаңа усылларын, нызамлардың жәмийетлик қатнасықларды тиккелей тәртипке салыўдағы ролин ҳәм әҳмийетин жоқарылатыўдың инновациялық түрлерин енгизиў.
- Елде әмелге асырылып атырған реформалардың мазмунын ҳәм әҳмийетин кең жәмийетишиликке жеткериўдиң инновациялық түрлерин әмелиятқа киргизиўге көмеклесиў.
- Жәмийетте жоқары ҳуқықый мәдениятты, нызамға ҳәм инсан ҳуқықларына ҳүрмет қатнасығын қәлиплестириў бойынша бирге ислесиўдеги бағдарламаларды нәтийжели әмелге асырыў.
- Нызам жойбарларының экспертлик ҳәм жәмийетлик додалаўларын шөлкемлестириў, атап айтқанда, арнаўлы телекөрсетиў ҳәм радиоеситтириўлер шөлкемлестириў, интернет ҳәм баспа басылымларында мақалалар басып шығарыў.
- Мәмлекетлик уйымлар менен биргеликте ҒХҚлардағы материаллардың профессионаллық, идеологиялық ҳәм көркемлик дәрежесин жоқарылатыў бағдарламаларын әмелге асырыў.
- Жас журналистлер ҳәм техник хызметкерлердиң шеберлигин ҳәм де дөретиўшилик белсендилигин жоқарылатыўда социаллық шерикликти күшейтиў.
- ҒХҚ лардың пуқаралар, әсиресе, жаслардың жәмийетлик сиясий, руўхый әдеп-икрамлылық, социаллық-ҳуқықый санасына унамлы тәсирин күшейтиў.
- Коммуналлық, саўда ҳәм хызмет көрсетиў, улыўма аўқатланыў тараўларында тутыныўшылардың ҳуқықларын тәмийинлеў ҳәм жәмийетлик қадағалаўдың инновациялық түрлерин жүзеге шығарыў.
- «Мәмлекетлик уйымлар халық хызметинде» сүрени астында жәмийетте ҳуқықый мәдениятты ҳәм халықтың ҳуқықый санасын жоқарылатыўға, нызамға ҳүрмет, жынаятқа аяўсызлық сезимин күшейтиўге көмеклесиў.
- Мәмлекетлик уйымларда мүрәжатлар менен ислеў системасын жетилистириў, инсан ҳуқықларын, еркинликлерин ҳәм нызамлы мәплерин тәмийинлеў.
- Ерте ҳәм жақын туўысқанлар арасындағы некениң унамсыз ақыбетлерин ҒХҚ ларда кеңнен сәўлелелендириў.
- Ҳаял-қызлар ҳәм балалардың ҳуқықларын, нызамлы мәплерин тәмийинлеў, оларды социаллық-ҳуқықый ҳәм социаллық-руўхый қоллап-қуўатлаўда мәмлекетлик уйымлар менен социаллық шерикликти күшейтиў.
- «Әдиллик нызам үстинлигинде», «Халық мүрәжатлари – турақлы итибарда» сүренлери астында нызам ҳүжжетлериниң орынланыўы ҳәм мәмлекетлик уйымалардың жумысы үстинен жәмийетлик қадағалаўдың нәтийжели механизмлерин ҳәм әмелиятын раўажландырыў.
- Ҳуқық қорғаў уйымлары жанындағы ветеранлар кеңеслерин жәмлеспеген ҳәм тәрбиясы қыйын жаслар менен ислесиўге кеңнен тартыў, олардың нызамлы мәплерин, нийетлерин жүзеге шығарыў.
- «Мен Өзбекстан Республикасы Конституциясын үйренемен» сүрени астында ҳәр қыйлы көргизбели материаллар таярлаў ҳәм тарқатыў.
Мәмлекетлик грант ажыратылыўы ушын төмендеги ҳүжжетлерди усыныўы зәрүр:
- Шөлкем басшысы тәрепинен қол қойылған ҳәм мөр менен тастыйықланған жоллама хаты.
- www.fundngo.uz веб-сайтында жайластырылған түрде толтырылған мәмлекетлик грант жойбары ушын арза.
- Соңғы өзгерислер ҳәм қосымшалар менен мәмлекетлик дизимнен өткен МКШлер ҳәм пуқаралық жәмийетиниң басқа да институтлары Уставы (Реже)ның нусқасы.
- Шөлкемниң мәмлекетлик дизимнен өткенлиги ҳаққындағы гүўалықтың нусқасы.
5.Егер жойбарды әмелге асырыў лицензияланатуғын жумысты талап етсе, онда лицензияның нусқасы усынылады.
- Мәпдар мәмлекетлик ҳәм жәмийетлик шөлкемлердиң өтинишлери, усыныслары қосымша етилиўи мүмкин.
Бир жойбар ушын ажыратылатуғын грант муғдары – 30 миллион сумға шекем.
Ҳүжжетлер 2018-жыл 15-марттан 20-апрельге шекем қабылланады.
Ҳүжжетлер «Өзбекстан Республикасы Олий Мажлиси жанындағы МКШ лерди ҳәм пуқаралық жәмийетиниң басқа да институтларын қоллап-қуўатлаў жәмийетлик қоры» атына «Өзбекстан почтасы» арқалы жиберилетуғын мөрленген конвертлерде (А4 форматта) төмендеги мәнзил бойынша қабыл етиледи: 100163, Ташкент қаласы, Ислам Кәримов көшеси, 43-жай.
Ҳүжжетлерди усыныў шәртлери ҳәм үлгилери менен Олий Мажлис жанындағы Жәмийетлик қордың www.fundngo.uz веб-сайтында танысыў мүмкин.
Мағлыўмат ушын телефонлар: (0-371) 239-26-76, 239-26-86.